Opið trúnaðarmannanámskeið 1. þrep hefur verið haldið á sex stöðum á landinu, Suðurlandi, Austurlandi, Norðurlandi vestra, Norðurlandi eystra, Vesturlandi og Reykjavík. Námskeið í Vestmannaeyjum verður haldið 21. til 23. maí.

Norræni Lýðháskólinn í Genf, Genfarskólinn, byrjar 22. mars í Runö í Svíþjóð. Að því loknu tekur við fjarnám sem stendur þar til þátttakendur fara út í lok maí.

Starfsgreinasamband Íslands í samvinnu við Félagsmálaskóla alþýðu býður upp á námskeið fyrir starfsmenn stéttarfélaga í samlestri á kjarasamningi SGS við Samband íslenskra sveitarfélaga. Markmiðið með námskeiðinu er að fara yfir helstu atriði kjarasamningsins og sjónarmið varðandi túlkun á honum.